2016年05月15日 星期日
【冠軍係值錢啲】李斯特城嘅空氣要成300幾蚊罐？
毛毛不嬲都對波好有興趣嘅，嗱，講緊足球呀下！話說李斯特城終於拎咗英超冠軍，佢哋創造咗奇蹟之後，唔單止球員升價，連啲空氣都值錢過人呀！
是咁的，有李斯特城嘅球迷就喺拍賣區度拍賣「李斯特城空氣」，仲分咗禮品裝同普通裝?～
一款就5磅（即係大約50幾60蚊港紙），另一款要成30磅......嘩！咁咪即係成300幾蚊港紙？空氣啫，有乜咁巴閉呀！嗱嗱嗱，你哋咁諗咁講就錯喇，事關阿賣家話：「買咗呢罐空氣，你就可以感受勝利嘅滋味，同球隊一齊慶祝，聞一聞李斯特城純潔而清新嘅空氣，係一種享受！」
乜你以為冇人買咩？咁你又錯喇，而家已經賣出咗兩罐喇，係兩罐咁多呀！果然有錢就是任性，毛毛都係轉行去賣空氣算啦……
圖片及資源來源：Metro
