喺毛記電視城入面，最好人嗰個一定係腦細，雖然佢聽到毛毛話要加人工就即刻黑面，但最後都加咗成100蚊人工咁多吖～毛毛以為自己腦細已經係全世界最好啦，點知外國有個腦細仲好喎......佢竟然幫一個患癌嘅員工裝修舊屋兼籌錢買樓呀！！！

話說41歲嘅Keith Ellick不幸患上末期癌症，只係得返大約一年嘅時間。佢腦細阿Addam Smith知道之後，就即刻召集咗一班有心人，幫佢改造間舊屋喇！

登櫈！睇下間屋變咗身之後靚仔咗幾多～

而阿Keith擔心自己過咗身之後，家人嘅生活會過得好難過，所以腦細仲幫佢籌錢，希望佢可以買到而家呢個單位。

嗚哇，點解呢個世界會有啲當正員工係屋企人嘅腦細㗎？毛毛睇到都覺得好感動，最後希望Keith可以開開心心咁過埋人生嘅最後階段啦。

圖片及資源來源：Daily Mail