大台而家晚晚都播殭屍，老老竇竇，咪以為戴下大眼仔同假牙就嚇到毛毛先得㗎，最起碼都要扮到好似台灣呢位人兄咁，先似返殭屍，嚇得下人㗎嘛！

嘩，雖然話日光日白咋，但見到呢隻著住清朝衫嘅殭屍都唔好話唔驚！

其實佢係一個喺醫院走出嚟嘅癌症病人，話覺得喺醫院太悶，咪買件清朝衫，整黑塊臉扮下殭屍解下悶咁喎，點知會嚇親行緊beat嘅警察嘅啫！個警察為免佢再嚇親其他人，就叫佢除返件衫整返乾淨塊臉，果然好似慈母一樣咁保護市民呀！

點解毛毛從來都冇諗過原來悶悶哋係可以扮殭屍，等毛毛有日返工返到悶悶哋嗰陣都扮下殭屍嚇下腦細先！

封面圖片、資料及圖片來源：自由時報