上海迪迪尼就快開喇！之前都同大家介紹過同胞們嘅強國式遊玩方法：

好似係刻返句「到此一遊」同周圍屙豬豬咁啦～

話晒target都係同胞們，餐廳menu梗係都要有強國特色先得啦～早排上海迪迪尼就公布咗啲又中又西嘅menu，好似北京烤（唐老）鴨、牛肉麵、飯糰呀咁，聽落都幾吸引咁啵！廚師仲會幫啲嘢食施魔法，將啲飯整做老鼠頭咁樣，就令一個普通嘅燴飯充滿magic仲可以賣幾廿蚊喇！

不過，少年，你太年輕喇，你以為實物真係會同宣傳相嘅一樣嗎？歌仔都有得唱啦：童話裡都是騙人的呀！唔緊要啦，吞到落肚咪又一pat嘢咁，不用分那麼細啦～

畀個飯嚇壞寶寶，唔怕喎，叫過個漢堡餐啦！睇相好似都ok呀，都係賣80幾蚊人仔咋嘛～

而實物呢就……其實買到正正常常一個包已經好值得感恩㗎喇，唔好要求咁高好冇？咁先係強國式食法㗎嘛！

資料來源：家園網

回帶：上海迪士尼都未開幕 就畀同胞刻咗到此一遊