毛毛一直以嚟都好想要多啦A夢件法寶－攜帶式靜香，sorry 毛毛 mean「翻譯蒟蒻」，因為毛毛好想同屋企隻毛孩傾計囉。雖然現實中未有人發明到「翻譯蒟蒻」，但而家已經有頸圈可以將狗狗嘅心情反映出嚟喇～

呢個頸圈其實係透過測量狗狗嘅脈搏，再用頸圈上顯示嘅顏色嚟話畀主人知狗狗嘅心情係點嘅……

嗱，綠色代表放鬆，彩色就代表開心，而白色就代表集中嘞。

唔止咁，主人仲可以將頸圈連接落手機度，咁就可以隨時隨地透過個app知道狗狗嘅狀況同情緒起伏，仲可以plan埋幾時同狗狗玩係最適合?～

雖然用咗呢個app同頸圈係幾方便，隨時隨地都知道狗狗而家心情點，不過毛毛覺得……做得一個100分嘅主人，唔係連狗狗心情都睇唔透，要靠條頸圈先知自己隻狗開唔開心呀？一句講晒，狗狗有你陪咪開心，見你唔到咪唔開心囉。

btw，其實呢個頸圈用喺人類身上咪仲好，古乳有暈，知人口面不知心呀嘛。

圖片及資料來源：indiegogo