聽講女人只要煮得一手好餸，就可以留得住男人個心。不過對呢個人妻嚟講，何止留得住男人個心，要個男人「刀山去，地獄去」都仲得啦！！！

是咁的，話說有個超強台灣人妻，佢上網搵咗唔同國家嘅食譜，喺連續30日裡面，日日都煮唔同國家嘅地道菜畀老公食（留意返，仲要係一日煮三餐呀下）！咦喂，咁咪即係煮咗成90餐咁多？！

嗱，首先第一個星期佢就熱下身、試下煮啲唔同嘅嘢先，跟住第二個星期就正正式式由台灣菜開始喇：

真係睇見碗牛肉麵就好想即刻飛轉台灣……事不宜遲，即刻睇埋呢個超強台灣人妻煮咗咩其他國家嘅餸先～

好，終於嚟到住家飯馬拉松嘅最後一日，除咗早餐嘅鹽炖雞蛋炒麵同午餐嘅poutine之外，最後嘅最後一餐當然要食得豐富啲啦～睇下，係四道泰國菜呀！又有雞又有魚又有豬又有蝦呀咁，真係睇到毛毛啲口水流晒出嚟……

完成咗呢30日嘅環遊世界腸胃版之後，阿人妻就話，雖然每日要煮三餐好攰，但見到自己老公個樣咁幸福就乜嘢都值得～呀btw，唔知對毛毛嚟講，自己儲錢去環遊世界難啲，定娶個識用食物帶自己環遊世界嘅女人難啲呢？

圖片及資料來源：Pillow Kingdom（＜睇埋其他菜式）