呢個世界最唔公平嘅點就係，明明毛毛同嗰啲咩盈盈個名都係疊字，但人哋就萬千寵愛，毛毛就要萬千呃like，公平咩？就好似呢班熊貓BB咁，雖然佢哋曳還曳，係咁整蠱個管理員 ，但又真係嬲佢哋唔落喎！

唔止搶走管理員把掃把唔畀佢掃地呀，佢哋仲捐埋落個竹簍度，碌呀碌，將竹簍入面啲枯葉倒瀉晒呀！

嘩，真係好百厭呀，不過佢哋咁打耳，如果毛毛係嗰個管理員，都唔捨得嬲佢哋啦！

嗚呀，毛毛都好想瘋狂同佢哋一齊玩呀，估唔到原來啲熊貓BB係咁醒目，仲等毛毛以為佢哋都淨係識食同瞓嘅?！希望佢哋可以保持呢顆純潔嘅心，大個唔會畀人捉去＿ ＿啦！

封面圖片、資料及圖片來源：PANDAPIA