女人就係……次次執完衣櫃都發現有啲衫係一次都冇著過出街。

嗱，千祈唔好問點解唔著又要買，班女人實會有好多理由，例如：「咁大減價呀嘛……」、「咁人哋諗住遲啲減完肥會啱著㗎嘛！」，又或者「件衫買到返嚟都唔同樣嘅！」，總之你哋就唔可以叉能廚佢哋買衫嘅決定係錯。不過毛毛知班女人其實好內疚㗎喇，只係成日「唔小心」重複犯錯啫……

老老77，想唔重複犯錯好簡單，只要你帶埋個身材好過你嘅fd子去濕平！

就好似呢個身高156嘅台妹豬咁，佢同咗另一個身高172嘅fd子去濕平，之後一見到條長裙就好想買，仲即刻拼埋上身睇下?！嗚呀，雖然條裙長咗少少，但真係好抵好易襯衫喎……嗱，你仲有買嘅意慾嘅話，唔緊要，即刻叫阿172妹豬將條長裙拼埋鏡睇下～

嗯，係咪即刻打消咗買呢條裙嘅念頭呢？

雖然帶一個身材好過你嘅fd子去濕平呢招係殘忍咗少少，但無可否認，又真係幾work嘅……btw，希望班妹豬用完呢招之後，個衣櫃唔會一件衫都冇啦。

圖片及資料來源：dcard