小朋友，遇到困難應該點做呀？冇錯喇，就係搵警察叔叔幫手喇！咁簡單嘅道理，毛毛細細個就聽過啦，唔止小朋友識呀，連菇時都一樣識㗎！

話說美國有個警察叔叔出更嘅時候喺巡邏車上面食麵包，無啦啦有隻菇時走埋去拍門喎，佢以為菇時梗係肚餓頂喇，就掉咗少少麵包畀佢啦，點知佢一啖都唔食，仲想帶警察叔叔去一個地方呀！

唔通菇時想帶警察叔叔去一個神秘地方然後分啲力量畀佢？！唔係呀，原來菇時媽媽隻菇時B畀個氣球纏住，佢搞極都極唔掂，唯有搵警察叔叔幫手救返BB呀！最後警察叔叔成功救返菇時B，菇時媽媽就同菇時B幸福快樂咁生活落去喇！Between，美國菇時有事可以搵警察叔叔，香港人有事就……算啦都係冇嘢喇。

之前美國都有隻貓畀警察叔叔喺垃圾桶度執返條命仔之後，做埋警貓一齊出更㗎，不知幾威水呀喵！不如菇時媽你都考慮下做警鵝，組返個正義聯盟呀？

封面圖片、資料來源：YouTube、The Dodo

延伸閱讀：【正義聯盟】同警貓齊齊拍住出更係威風嘅！