之前同大家講過靚到成條銀河咁嘅「藍眼淚」，錯過咗拍攝期？唔使灰喎，生命滿希望呀嘛，去影下菇菇都唔錯呀！

講緊嘅唔係你頭先lun廚食嗰啲金菇冬菇草菇磨菇呀，係「夜光菇」呀！唔少香港人都會特登飛去日本睇「月夜茸」嘅，但機會嚟喇廢青！香港都一樣有夜光菇㗎！咁咪可以慳返啲機票錢囉？又距離上樓近半步喇yeah！

夜光菇唔係話有就有㗎，多數喺五、六月先會見到，仲要每棵菇菇淨係存活到一兩日㗎咋，幾珍貴呀！最近就有班菇菌之友去到大埔滘幫呢種咁神秘嘅夜光菇影靚相喇～

嗱嗱嗱，不過大家要留意呀，野外嘅菇菇分分鐘係有毒㗎！記得要乖乖地，眼看手勿動！

除咗夜光菇，香港仲有唔少奇怪又打耳嘅菇菇㗎～成日呻冇錢去旅行又唔想放假hea hea下就過咗，不如去行下山做個健康小人類，發掘下香港有咩靚景呀[教育電視mode]！

封面圖片、資料來源：菇菌之友   

回帶：【嘩好靚呀】藍眼淚又嚟喇