話說有隻成日唔食菜嘅台灣食肉獸，佢突然心血來潮想食M記，於是咪問下女朋友大人批唔批准囉，點知女朋友話唔得，話唔健康喎！正當佢以為冇得食嘅嗰陣，佢女朋友就突然魯芬急轉彎，問佢食咩餐，仲話幫佢買埋上佢公司度?……

係愛情陷阱呀哈利！以毛毛對女人嘅了解，啲女人突然變得咁順攤一定唔方好嘢，正所謂無事獻殷勤，非奸即盜……睇嚟佢女朋友一定係想用呢個M記嚟換包包喇！！！

喂，千祈唔好開呀，開咗你就要買包包㗎喇……

咦喂，說好的九件麥樂雞餐呢？點解變咗全素餐㗎？

其實是咁的，阿女朋友仔係一心一意想整蠱呢個淨係食肉唔食菜嘅男朋友嘅，於是咪特登去M記買啲盒呀袋呀咁，跟住再偷龍轉鳳，將入面變成素食便當，最後仲送埋去人哋公司門口……嘩，真係用心良苦！

嗯，冇咩嘅話，毛毛出返去食自己先。

圖片及資料來源：dcard