以前去公園最憎就係見到啲mk仔霸住晒啲滑梯唔畀人玩，無奈毛毛天生就係一個怕事嘅毒L，所以最後都係冇咩事我返返屋企自閉先。不過如果毛毛見到嘅係呢隻小霸王嘅話，一定唔會走開不特止，仲會狗衝過去同佢一齊玩?喎！

前排有段影住隻柴犬一臉滿足咁喺度揈鞦韆嘅片瘋傳，咪就係呢位小霸王囉！睇佢挨豬，毛毛9估呢個公園成為佢嘅勢力範圍都已經有一段日子㗎喇，事關見佢又騎馬又蒲繩網咁：

得閒又飛下車，頭搖狗尾擺呀咁，生活真係過得幾爽皮㗎：

佢仲有個fd子同佢一齊蝦蝦霸霸㗎！你睇下佢哋個樣，幾咁兇狠呀，癲起上嚟連毛毛都驚呀！

諗諗下，其實呢兩隻狗仔都好幸福㗎喇，事關香港嘅狗仔，分分鐘連公園個草皮都掂唔到呀陰公！

圖片來源、資料來源：unihalo/instagram