上星期，76歲嘅果欄臨時搬運工人明叔，喺凌晨搬生果嘅時候，意外被懷疑醉駕嘅私家車司機撞死，因為事後有街坊，被影到笑住咁撿拾明叔散落一地嘅橙，而引發咗網上大量不齒「執死人橙」行為嘅後對聲音。我哋就喺凌晨時份，去咗已經有100多年歷史嘅油麻地果欄，聽下正面對領展、超市衝擊嘅果欄檔主，仲有一班有老有嫩、喺馬路邊販賣勞力搵食嘅苦力大哥，佢哋今日嘅生活同生存究竟係點嘅。