曾幾何時，當毛毛仲係好pure好true嘅時候，以為掉晒屋企啲煙，老竇食唔到，就可以成功戒煙……

不過最後當然fail啦，阿爸仲瘋狂鬧毛毛係衰仔呀……唉，其實用心良苦嘅嘢，阿爸你真係識條煙咩！其實我哋都係為你好啫！好似呢個得2歲嘅小朋友咁，佢為咗爸爸嘅健康，竟然折斷晒屋企啲煙，整到一地都係呀！

佢行兇之後仲好囂張咁啜住個奶嘴，以為冇人發現！仲想賴落隻狗度呀！

隻狗心諗：下又關我事……搵食啫，唔使食埋死貓下嘛……好彩佢主人，即係個小朋友老竇醒目，終於踢爆呢個少年犯嘅奸計！不過老老竇竇，阿老竇你都係盡早戒煙啦，為咗個仔又好隻狗又好，你肯戒煙我哋一定會撐你㗎喎！

圖片來源、資料來源：呂敘廣