喺公路上，一定要有良好嘅技術同態度，先稱得上為真功夫！講緊嘅唔係司機，而係馬路上面嘅大師傅呀！想見識下咩係公路上嘅真功夫，就要同呢隻小龍蝦學下嘢喇！

話說日本有個網友揸揸下車，竟然遇到個惡霸擋住條路呀！聽講個惡霸仲舉起兩個殺傷力巨大嘅重型武器對住個網友?呀！唔通佢想打劫？！唔係啩，乜唔係話日本治安唔錯嘅咩！

睇真啲，原來個惡霸，係隻……小龍蝦嚟喎。相信小龍蝦你都聽講螳臂擋車嘅故事㗎啦，但都夠膽企喺馬路中間擋車，勇氣可嘉呀！

不過，唔知小龍蝦嘅下場係點呢……希望佢冇事啦……

Between，毛毛硬係覺得佢成個廢青樣，應該都係畀人無視多……

封面圖片、資料來源： sei84ch/twitter