少年，你以為捱得過聖誕節同情人節就可以得到幸福嗎？你真係太年輕喇！呢兩個日子雖然係打大佬，但都仲有個世人夾硬作出嚟曬命專用嘅520呀！亦即係今日呀！

其實5月20號咪5月20號囉，無啦啦又要話係「我愛您」嘅日子，明明大家都係講廣東話㗎嘛，唉，啲男男女女為咗放閃呃like真係咩都做得出……毛毛作為毒L，喺呢一個大日子，梗係……冇乜特別咁過啦，咪又一邊扮工一邊搵工。

竟然咁都畀毛毛搵到份絕世筍工呀！有人話佢FD子啱啱失戀，所以想趁520請返個壁咚員畀個sur派時佢呀！嗚呀，有得壁咚又有錢搵，咁筍嘅工邊度有呀，唔好同毛毛爭呀！Between，唔知佢FD子係仔仔定女女呢，hehe！

話時話，FD子你好地地做咩失戀呀，唔通後樓梯呢扎花同隻熊仔其實係你送畀娘娘嘅……