而家真係女權當道，唔單止毛毛要侍奉女神，就算有老婆呀，都要被佢牽住嚟行啦！你話好似之前科勞me嗰個女神咁，畀佢hold my hand行就話啫，而家仲玩到hold my head?，不過都唔夠呢個台灣老婆癲呀！

扭耳仔呢啲嘢濕濕碎啦，毛毛由細畀人扭到大嘅～反而hold 下巴呢下都幾新穎吖，唔知如果有雙下巴嘅話會唔會hold得tight啲呢！

不過要牢牢捉住個男人，梗係唔是捉住佢個胃咁簡單啦，而家捉住佢褲檔啦！嗱嗱嗱，唔准諗埋啲衰嘢㗎，毛毛只係話應該好似呢位台灣人妻咁，用把遮勾住佢老公褲檔，咁實打風都打唔甩啦～

雖然個男嘅好似被佢老婆虐待咁，但毛毛睇得出佢其實係enjoy嘅（如果個男嘅頂唔緊，毛毛都好樂意代勞㗎），咁有得放閃都好過被人放閃吖係咪？

封面圖片、資料及圖片來源：洪浩雲