而家啲小偷真係愈嚟愈猖狂喇，之前就有露出半個屁股嘅賊仔公然喺便利店偷嘢，以為冇人見到佢：

今日又有人捕捉到犯罪一刻喇！事發現場係東京迪士尼，有受害者話佢眼白白咁望住有個賊仔喺佢面前企圖搶走嚿麵包！

個賊仔憑住一人之力都係搞唔掂，於是佢……就去咗吹雞呀！

受害者見到對方雀多勢眾都淆晒底，區區一個麵包同雪糕啫！豪……豪畀你囉！嗚嗚！而有身處香港嘅受害者都post咗張差唔多嘅相，唔通呢個係跨國犯罪集團嚟？

而家咁多證據喺毛毛手，好講喇喎！到底係咪白雪公主指使你哋咁做嘅！再唔講就掉你哋落山㗎！

圖片來源、資料來源：stella_n_n/twitter