哇啲紅卜卜花樹好靚呀，睇呢輯相以為去咗外國，原來飛機都唔使搭，去大埔就有得睇花樹喇！
見到啲花開得咁靚心情都靚埋，即刻想唱返首細世界會變花花世界鵝伊爺鵝伊爺鵝鵝～

哇～ 成地都係紅色花瓣，好夢幻呀！毛毛已經即刻FF到一個著住和服嘅日本妹喺度散步喇。

影呢輯相嘅網民話太和至廣福都有鳳凰木開花，落街就有花景睇，太和的後裔真係好幸福呀！

喺呢個風和日麗春暖花開嘅日子，真係好應該去野個餐hea返一日半日，可惜呢個美好嘅花見之日毛毛都係要開工（係呀，打緊呢篇文畀你睇呀）。

來源：Keith Tong