作為公共交通工具界AE86嘅小巴，無論係速度同掟彎幅度都係出晒名，不過今次竟然有人用行動嚟挑戰佢，而且係最高難度嘅譚仔呀！

出咗名chok嘅小巴，同埋最易倒瀉嘅米線，簡直係矛盾大對決呀！坐喺佢身邊嘅呢位小姐一定好緊張啫。


不過如果大家都唔想洗車嘅話，咁就仲難玩喇，一方面考驗到司機手車有幾穩定，令一方面都考驗阿姐嘅平衡力，要應付喺急彎同埋突然有人喊落嘅時候接返住啲湯，真係少啲功夫都唔得呀。

毛毛都睇唔透，到底喺架車放豆腐唔爛難啲吖，定係食米線唔倒瀉難啲呢？毛毛建議下次拓海下次可以試下送米線，或者車個食米線嘅阿姐，咁先真係考驗到駕駛技術呀～

圖片來源：Beatrice Tse