毛毛雖然只係一個廢青，但對車都好有要求，唔係名車我唔坐㗎！嗱好似毛毛每日返工放工坐嗰架，就係價值幾百萬嘅外國名車……不過我要畀返車錢咁樣咋嘛。Any肥，身為一個愛車之人，如果見到架車花咗真係會好心痛㗎！自己整花都冇得怨吖，如果係人哋整花，真係會嬲到宇宙大爆炸呀！

見到呢條唏噓嘅浮條，就知道呢位車主都係一個有故事的人。到底要畀隔離架車道車門撞花幾多次，先會諗到呢條絕世好橋呢？冇人知。between，唔通呢位車主想遊完車河，順個靚便遊埋船河又話你知咩！

有網友仲話呀，佢曾經見過有人直頭用浮板大包圍架車?喎！喂有圖有真相喎！不過老老竇竇，要搞咁多嘢，不如索性成架用包書膠包住佢啦：

或者直接用紅毛泥封住佢，既方便又快捷喎！

圖片來源、資料來源：馬路的事討論區