嗱，大家唔好再成日話警隊十足十公安咁喇，事關連公安都話要同香港警隊學下嘢咁話呀！

話說中國公安部嘅《中國人民公安報》發表咗篇文，讚香港警隊係「世界公認的最優秀警隊之一」呀！計毛毛話，最就最，邊有之一！

篇文就話喇，香港警隊有好多值得學習嘅地方㗎！首先讚警隊法治同誠信兼備，講規矩、重操守。真係講得好啱呀！上頭話This is an order，啲警察就跟住做，又真係盡忠職守㗎！

之後仲話警隊一向重視市民嘅監督同投訴，55，所以唔好再怪警隊對小市民嘅案件同投訴要處理好耐喇，人哋係認真咋！

連國家嘅認可都得到，警隊，你哋真係冇做錯到！公安都要同你哋學嘢呀！between， 成日聽人哋話強國冇嘢真，唔係吖，毛毛就話呢篇真話都不知幾真！

封面圖片來源：yijinhkit.edu.hk、cpd.com

資料來源：thepaper.cn