仲記得之前嘅40萬直升機求婚事件，令到一眾港女濕晒…對眼，仲搞到香港低窪地區出現水浸，一眾港男表示頭都大埋。

想學人哋咁樣樣求婚但又冇銀可以點？向偉大嘅祖國學下嘢啦！最近就有一個強國男人揸住滑翔傘，諗住向佢女朋友求婚呀！

滑翔傘同直升機都係喺天空飛，不用分那麼細啦！最重要嘅，係對女朋友嘅愛吖嘛！不過世事往往都係鍾意玩9人，你以為你得米喇咩，上天總係鍾意考驗下你。

呼～一陣怪風，咁就將呢個痴情男一嘢吹咗去棵樹度，卡住咗落唔返地下……聽講佢女朋友見到呢幕都7到唔敢睇，默默咁就走咗……其實呀，老老竇竇，如果係真愛嘅求婚使乜搞咁多嘢吖，送層樓、或者送架車，再唔係送隻十卡嘅鑽石介指，毛毛肯肯定你女朋友會即刻嫁畀你呀！

圖片來源、資料來源：搜狐新聞