聽講喵星人一日24小時入面，有4個鐘都係食同瞓，其餘20個鐘就係一邊舐毛一邊食同瞓！咁你而家知道舐毛對喵星人嚟講有幾重要啦！

有時見到主子日又舐夜又舐，舐得咁膠興，都好想舐埋一份呀！不過主子舐得咁斯服，聽講係因為佢哋條脷仔有成千上萬咁多倒勾仔，好似幫佢哋搲痕咁呀！貓奴冇用呀，條脷上面脷苔就有喇，倒勾就一粒都冇，冇本事服侍主子！

不過如果有咗呢個梳毛器，就可以幫主子舐毛喇！呢條膠脷叫做「LICKI Brush」，使用方法好簡單，貓奴只要咬實條膠脷，再將對主子嘅濃濃愛意延伸出去條膠脷度，慢慢一下一下咁舐主子，就可以成為喵星人一份子㗎喇！

你睇班貓奴服侍主子服侍得個樣幾心甘情願，呢啲就係愛喇，蝦脷！不過提提你呀，呢個史上最偉大嘅貓奴培育神器仲係集資緊，出年1月先正式有貨㗎！

封面圖片、資料來源： himasoku、 LICKI Brush - Lick Your Cat.