召集所有反瞓嘅面孔！睇親電視啲人扮瞓覺，真係兩隻手仔枕喺面珠下邊帶住甜笑咁入睡嘅，不過你都識講係扮啦，實際又點會瞓得咁靚喎！其實一合埋眼啲煩惱就湧晒入腦，一時又覺得腦細追住你，一時又覺得張稅單追住你，應該瞓到好似打仗咁先合理囉。

貓貓你做咩眼金金咁呀？話說外國有個貓奴有日又再瞓到跌咗半個身落床，點知一瞓醒竟然見到主子學自己個咁樣衰嘅睡相呀！佢仲一邊扮，一邊呼嚕呼嚕咁，好似覺得自己扮得好似好叻叻咁啵。

主子，你笑甚麼笑！你也是睡相很差的！你睇你大字形咁瞓落盆草度個衰樣呀，你有諗過草草嘅感受嗎！你冇，因為你只想到自己！

唉呀，不過喵星人你平時咁打耳，又邊話得你落呀～見你瞓得咁開心，毛毛都好想同你一齊覺覺豬呀喵！

封面圖片、資料來源：Amyzonian／reddit