2016年05月24日 星期二
【咁客氣呀】叫炒飯套餐 個餸竟然都係炒飯？
而家出街食飯都唔係咁易㗎喇，啲冰有咁大粒得咁大粒，啲薯條有咁熱氣得咁熱氣，呢啲嘢應該唔使毛毛講你都知㗎啦！點知有台灣網友都遇到呢個情況呀！
大家有冇發現呢個餐有啲咩奇怪嘅地方呢？冇錯，就係本身已經有一碗白飯，但旁邊仲有一碟炒飯喎！呢位台灣網友話原來佢係叫咗個炒飯套餐，足足成300蚊台幣㗎（即係差唔多70幾蚊港紙），但估唔到送到嚟嘅時候就驚見咁樣樣喇。到底個炒飯係餸……定係碗白飯先係餸呢？唉毛毛都睇唔透……佢仲話諗住問清楚個侍應嘅時候，個侍應竟然一去冇回頭……
不過都有摩擦力很強嘅網友解釋返，原來喺日本係真係有呢個餐㗎！
呢個餐係叫做白飯定食，你可以用飯嚟送飯，真係聽到都覺得……好味呀！但係有網民就覺得100蚊食兩碗飯，好唔抵囉。計毛毛話，呢啲先叫做有良心呀！人哋個名叫做炒飯套餐吖嘛，有炒飯，再搭多碗白飯畀你，仲有碗湯?，肯肯定符合商品說明條例呀！仲想點喎？
好過呢個網友，連食都冇得食呀……
