細個嗰陣，最陰公豬莫過於去玩之前病咗，就算點扭計都好，阿媽一句：「唔畀去」，你都要乖乖哋留喺屋企，童年遺憾就係咁樣樣造成㗎喇！不過，今次呢位事主就成功彌補返22年前嘅遺憾！

話說喺美國密歇根州，有個叫Chelsea嘅女人22年前因為病咗冇得同屋企人一齊去迪士尼。最近佢搵返當年嗰張舊飛出嚟，細個張相同簽名都仲好清楚，上面又冇寫「到期日」，於是就拎住張飛，勇闖迪士尼。

結果，門口個職員話喇：「冇見過呢張飛喎！」之後個職員走咗去問經理，Chelsea以為會畀人話「走啦，唔好搞大件事」，點知經理就巧巧人咁換過張新嘅飛畀佢。

22年後佢終於可以入場修補呢個童年遺憾喇！如果毛毛可以陪佢一齊玩就好喇！

圖片及資料來源：Today