你問毛毛屋企有冇過千對鞋？毛毛可以好肯定咁答你：冇！不過又黑色又白色又深色又淺色又淨色又有花又有hea嘅又有限量版，加加埋埋都十幾對啦，但你知啦，做男人最怕著舊鞋，但一嘢掉咗去又好嘥喎，點算好呢？

最近就有班噝香港讀緊大學嘅台灣學生搞咗個叫「舊鞋救命」嘅活動，唔止好有親切感，仲好有意義㗎！佢哋會收集大家嘅舊鞋再送去非洲，希望可以等非洲嘅小朋友唔使再赤住腳行90分鐘路返學，遠離沙蚤同疾病。

不過大家要捐之前要小心留意呀，唔係款款鞋佢哋都收㗎～好似高踭鞋同雪靴咁，諗都諗到非洲小朋友唔會啱用啦……睇清楚先捐，就唔會愈幫愈忙啦！6月就開始可以捐鞋喇，唔講住喇，毛毛要返屋企抹乾淨啲舊鞋拎去捐呀，Bye！

封面圖片、資料來源：舊鞋救命X香港 - 夥伴社團(Step30.X HongKong Partner Club)、舊鞋救命網址