到底為咗做自己鍾意做嘅嘢可以去到幾盡？嗱，毛毛就好鍾意打機嘅，自問自己就算幾忙都好，都一定會打返鋪機，不過講到盡嘅……就始終都唔及呢兩位強國單車小子，佢哋鍾意單車呢項運動鍾意到連自己水盡糧絕都唔介意呀！！！

是咁的，話說今日上晝十一點半左右，有網民喺荃灣千色對出條橋度見到呢兩位疑似來自強國嘅單車小子，佢哋踎喺地下低頭思故鄉咁款，斷估都應該係需要人哋幫助，佢哋面前仲放咗張咁樣樣嘅紙?：

唉，其實佢哋都唔係第一日出嚟求幫助，早兩日已經有網民見到佢哋喺藍田蒲頭㗎喇……嗚呀，真係隔住個mon都feel到佢哋內心有幾咁無助！

嗱，你哋唔好話咩睇佢哋對鞋咁新淨就肯肯定講緊大話呀……你哋畀多一啲信任、多一啲愛，呢個世界咪會更美好囉，55！btw，霞姨係時候出嚟派飯盒喇～霞姨！！！

圖片及資料來源：Mike Wong、Jady Tse‎／香港突發事故報料區