喵星人叫得做喵星人，梗係因為佢哋做嘅嘢唔係我哋啲低智慧生物理解到啦！

日本呢隻喵星人，就疑似用緊佢嘅高智慧，進行某種神秘活動喇！愚蠢嘅人類淨係識喺條樓梯度行上行落，但喵星人就唔同喇，佢唔係用手手腳腳行，而係瀡㗎！

你睇佢瀡呀瀡呀瀡呀瀡～由最頂嗰層慢慢瀡落嚟，一啲都冇驚過，仲不知幾enjoy！

主子表示：樓梯嘅價錢，瀡出滑梯嘅味道，呢啲咪生活態度囉，你哋啲蠢人類識條樓梯咩～喵！

封面圖片、資料來源：yuto0812127／twitter