有台灣網友去動物園參觀嘅時候，驚見個動物園園區入面有一大個豬紅池喎！可能係毛毛見識少啦，乜原來而家動物園咁開放咁先進，連豬紅都有成個池畀人潷嚟食㗎喇？

嗯，睇個樣又好似幾好食喎，啲豬紅色澤紅潤，望落都幾新鮮。個湯上面仲有幾棵芫茜吊下味，肯肯定拍得住街外餐廳嘅水準呀！

正當個網友諗住行前幾步去試下味嘅時候，佢就發現，原來呢啲笨唔係豬紅，而係……河馬嚟㗎！嗚哇！

河馬心諗：我生得紅少少肥少少就話人似豬紅，明明人哋就係馬嚟！咩啫河馬唔係馬呀而家！公平咩！！

老老竇竇，除咗豬紅之外，有冇同毛毛一樣，一直都覺得河馬好似滷水豬腳呀……嗯，睇嚟毛毛太肚餓，開始出現幻覺喇……腦細放得飯未呀喂？

圖片來源、資料來源：bodies105/PTT