正所謂「輸人唔輸陣」，怯，你就輸一世！就好似呢個台灣尖叫姐咁，即使佢畀人拉咗返派出所兼鎖埋手扣，但佢一啲都冇淆到，仲毫不吝嗇咁畀返啲氣勢人哋睇！！！

話說最近有台灣網民upload咗一段喺派出所裏面拍到嘅片段上facebook，片中有個著住杏色衫嘅女人同警察發生爭執，個女人瘋狂講完n句「怎樣」之後，就突然鼻孔撐大、9叫起上嚟，仲「呀」咗足足成分鐘……唔講咁多，即刻去片：

毛毛相信，應該連擅長崩潰叫嘅鄭嘉穎都「呀」唔到咁耐，唔講毛毛仲以為唔知邊個拎咗隻尖叫雞出嚟?。

而事後，估唔到呢位尖叫姐仲好似宇宙gem咁一叫成名，引嚟大批網民幫佢改圖：

唔止咁呀，有網民仲連尖叫姐咆哮一分鐘嘅heavy metal版都整埋出嚟?！

（嗌破喉嚨）Rock！！！！！老老77，雖然毛毛唔知呢位尖叫姐因為咩事畀人拉去派出所，但單純講佢嘅肺容量同音量嘅話，毛毛絕對覺得佢有資格參加乜乜好聲音同咩咩是歌手，認真。

圖片及資料來源：謝政宗／爆廢公社