有咩嘢感動得過一隻馬仔去探病重嘅主人？咪就係有兩隻馬仔去探病重嘅主人囉！

是咁的，65歲嘅Roberto Gonzalez喺46年前參加越戰嗰陣中槍導致癱瘓，但之後佢依然練習馬術，參加比賽，係德州唯一殘障嘅有牌練馬師。不幸地，佢最近病得好嚴重，臥病在床嘅佢同太太表示，希望臨終前能夠見返兩匹愛駒，即係「Sugar」同「Ringo」。

屋企人同醫護人員都希望實現Roberto嘅願望，於是就帶咗兩隻馬仔嚟醫院。Sugar同Ringo見到主人之後，就即刻行埋佢去，仲好乖咁?主人塊面，好唔捨得咁用個鼻貼住主人。

院方嘅負責人就話：「當病人即將走到盡頭，我哋都會盡力令佢哋舒適自在。」馬仔s呀馬仔s，你哋咁乖，主人一定會感受你哋嘅心意㗎！

圖片及資料來源：Daily Mail