藝術嘅嘢，我哋班廢青識咩呀，咁易明就唔係叫藝術啦，如果大家都鍾意、通街都係嘅，嗰啲叫MK、叫做襟聞呀，就係要得知音人先識欣賞嘅，先叫做高深㗎嘛。

就好似之前同大家介紹過嘅London Fashion Week時裝界佛地魔咁呀，夠膽著佢落街買碗沙嗲牛麵就當你贏！

藝術嘅嘢，就係咁難明，咁不可思議，好特別嘅嘢又可以係藝術，好普通嘅嘢又可以係藝術。唔信？毛毛又帶你去睇睇呢個展覽！成班人都圍住地下副眼鏡，流露住既期待又怕受傷害嘅神情，好認真咁去欣賞緊佢！

甚至仲有知音人跪埋喺地下影影影！到底呢副眼鏡有咩咁巴閉呢！唔通係出自大師手筆？定係咩名牌子Jer Jer Amani 新出㗎？

好喇毛毛開估啦，原來呢副眼鏡……其實係咩，特，別，都，冇。佢只係一副由個網友行行下展覽，無啦啦想玩嘢睇下路人會有咩反應所以擺喺地下嘅普通眼鏡。又估唔到大家都為咗佢而停低慢慢欣賞喎！OMG this is ART！唉，講真呀，毛毛真的不是很懂你們藝術圈。

封面圖片、資料來源：TJCruda／twitter 

睇埋：【Fashion嘅嘢】時裝界佛地魔出現鳥