唉，返工又要畀阿頭鬧又要沖咖啡畀腦細飲，一日忙到黑，如果可以唔使返工做個悠悠閒閒嘅大媽就好喇！如果你真係咁諗，少年你就真係太年輕喇，其實大媽又要食high tea又要打牌又要講是非又要gel甲，都不知幾唔得閒！

想染返個靚髮又要去salon搞幾個鐘，就真係太唔方便喇，點趕得切去到陳師奶打牌呀！學呢個台灣大媽咁就醒呢，一於喺7仔度染！一邊食tea一邊慢慢上色，既方便又快捷呀喂～

不過咁，對住塊落地大玻璃整頭又係招搖咗啲嘅～學呢個大媽咁喺M記剪頭髮，就又有空間感得嚟又畀返啲私隱度自己喇～

如果嫌坐定定喺度set頭都嘥時間，不如直頭坐言起行，move it move it啦！一邊搭地鐵一邊染髮，將愛與阿摩尼亞傳播畀大家，一齊開心些牙！

封面圖片、資料來源：蘇茂維／●【爆廢公社】●