古乳有暈，阿婆走得快，一定有古怪！咁如果見到個阿婆拎住部航拍機喺度搖控，你會唔會仲覺得古怪呢？

傻嘅咩，而家咩年代呀，偉大嘅強國都講過啦，國家要開放，思想要開放呀！而家阿婆分分鐘仲潮過毛毛同你呀！好似呢位台灣嘅農夫婆婆咁，竟然識得用航拍機嚟趕走啲麻雀呀！

教佢用呢部航拍機嘅組織就話，因為唔想婆婆喺田入面走嚟走去趕雀咁辛苦，所以就教佢呢個方法喇！估唔到婆婆咁快就上手喇喎！

不過佢都覺得自己好似玩緊小朋友玩具咁，覺得有啲唔好意思呀～傻啦婆婆，你咁潮，毛毛要跟你學嘢至真！

圖片來源、資料來源：二林舊社「田龜計畫」