而家啲小朋友細細個就要學點樣照顧自己，要學自己扣鈕啦自己去廁所啦自己綁鞋帶啦，原來狗狗都一樣，要識獨立㗎！

好似呢隻狗狗咁呀，咬住條狗帶自己放自己，跟住自己嘅方向行！自給自足，幾叻豬呀！Yo，散步咋嘛，使乜驚呀！

仲有呢隻狗狗呀，想食蛋捲又冇錢錢買，點算好呢？做警犬又咁辛苦，去便店利做收銀又唔夠高喎，不如直接賣萌啦！掛個牌喺頸，寫住「可以買蛋捲給我吃嗎？」咁咪得囉！你個樣咁打耳，實係人見到都唔捨得唔買嘢你食啦狗狗！

話時話，呃飲呃食都仲要專食蛋捲，都幾囂屎喎狗仔。聽講呢隻流浪狗狗其實好受街坊歡迎㗎，仲縱到壞晒，專食好西，罐頭呀狗糧呢啲cheap嘢佢一啖都唔食！所以咪有街坊幫佢寫明唔該餵佢食蛋捲，費事嘥嘢囉～

狗狗好醒㗎，賣完萌呃到食就會鬆人唔睬人㗎喇！不過你咁QQ，買10盒蛋捲畀你食都肯啦！

封面圖片、資料來源：張伊妹／●【爆廢公社】●