原來唔止韓劇入面又好多打不死嘅奇人異士，不過毛毛今日先知，原來睇韓劇都可以得到異能㗎，你睇，係愛嘅力量呀！

愛韓仔係無分國界嘅，之前香港嘅妹豬為咗《太陽的後裔》個宋仲基Oppa搞到茶飯不思，食飯搭車都要拎住電話嚟煲劇，點知台妹仲勁，揸住電單車都單手睇韓劇。


古乳有暈奧爸沙冷hea唷，就好似韓劇入面啲男男女女可以為咗愛人連命都唔要咁，你睇呢位台妹幾咁大無畏，真愛真係令人感動！

雖然有多好唔識浪漫嘅人話呢個妹豬危險呀妄顧道路安全呀害人害己呀咁，不過都有網友識得欣賞佢對Oppa嘅執著，仲P咗佢同呢套劇嘅Oppa一齊坐電單車，諗下都冧呀～

不過計毛毛話dry，雖然毛毛都好欽敬佢愛得咁轟烈，都揸車都係小心安全啦，留返條命仔先有得慢慢睇Oppa嘛。

圖片來源：Ya-Han Yu、梁庭瑋