POKEMON！日夜鍛鍊去取勝！儲Pokemon卡簡直係每個小精靈訓練員嘅終身事業！疊Pokemon卡直頭好似命根咁緊要呀，如果唔見咁是但一張都唔知點算！

美國就有個9歲嘅小精靈訓練員Bryce有日帶埋疊寶貝卡去FD子屋企玩嘅時候，竟然一個唔好彩畀另一個細路搶走咗！哼，細路！Pokemon卡你都搶，冇陰公呀你！

之後傷心的小Bryce雖然冇今生再不歌唱，不過就決定同媽咪去報警，跟呢單畸屎嘅警察叔叔James 又何嘗唔係一個小精靈訓練員呢。失去最愛呢種感覺，佢好明白！所以佢就一於送自己套珍藏Pokemon卡畀傷心的小Bryce！嗚呀，呢種就係男人嘅浪漫喇！Come on James，你真係man到爆！

卡通片入面嘅衰人一定會輸畀正義，呢個故人都一樣呀，偷卡嘅曳細路最後畀警察叔叔捉咗，不過Bryce嘅Pokemon卡就有部份仲係未搵得返呀唉。但係可以識到警察叔叔，親身感受到小精靈訓練員之間嘅愛，都係件好事呀！

封面圖片、資料來源：CNN、youtube