2016年05月27日 星期五
【綠化脷苔】強國女食青瓜食到條脷麻痺兼變色？
呢，細細個嗰陣咪成日見到好多kai子鍾意食糖食到條脷變藍色，仲要係咁伸條脷出嚟畀人睇嘅～真係諗起都覺得懷念呀！毛毛以為淨係食糖先會食到條脷變色啦，點知原來連食青瓜都會食到條脷變色㗎？
話說有個來自南京嘅妹豬話自己食完半條青瓜之後，條脷就麻痺兼變色喇……嘩，唔L係呀？乜食青瓜咁恐怖㗎咩？你咪呃毛毛膝頭哥唔食青瓜喎，毛毛話晒都有成廿幾年食青瓜嘅經驗㗎喎！
嗯，以毛毛9估，呢啲顏色應該係來自條青瓜本身嘅天然植物色素啫，肯肯定唔係啲咩人造色素咩化工用料嘅（脷伸：唔識）。
而至於點解條脷會麻痺，有強國專家就話，可能係新鮮摘嘅青瓜皮上面有生物鹼，所以先會令人有麻痺嘅感覺，話只要食之前用水浸半個鐘就冇問題喎……哦，原來係咁！都話㗎啦，大家根本就唔需要咁擔心……因為，擔心係冇用。
圖片及資料來源：太陽下的一滴水／微博
延伸閱讀：
