世人已經阻止唔到日本仔嘅極重口味！

之前有個強國妹豬一反潮流，當人人都使幾皮嘢激走啲胳肋底毛嘅時候，佢就好自豪咁露毛毛自拍，仲因為咁紅到去日本，唔少日本網民都瘋狂些牙佢啲相，仲話好想食佢啲毛毛，甚至想畀佢個胳肋底夾住！

唔知日本仔是咪對胳肋底有種世人理解唔到嘅情意結呢，最近又有個日本妹用胳肋底整飯糰爆紅喇！

呢個日本妹其實係日本一個網站嘅編輯亞希子，btw 佢係邊個都唔緊要啦，重點係「腋飯糰」到底點整！好啦，首先你要有……梗係飯糰啦。

之後主角就出場喇，用濕紙巾抹抹個胳肋底先，雖然亞希子冇話要點抹，不過毛毛就話是但求其抹幾下咪得囉，最緊要原汁原味呀嘛。

關鍵時刻嚟喇！大大力咁用胳肋底夾實個飯糰！將重口味延伸畀個飯糰！咁就完成喇！

55……呢幾粒頑強嘅小飯粒就留返今晚宵夜啦。

亞希子最後仲請男同事試食佢個腋飯糰，男同事雖然一副看破生死嘅眼神，但都仲表示個飯糰有種濃濃嘅香味，好食到升天！今時今日，打工仔為咗同同事打好關係真係無所不用極呀下。

其實腋飯糰唔係咩新嘢，毛毛細細個就已經聽過啦～作為一個食家，識食一定係食正宗元祖口味嘅，毛毛就最想食結他他老伯整嘅腋飯糰喇，集結他他老伯幾廿年嘅精華於一身，真係隔住個mon都覺得香到升天呀！

封面圖片、資料來源：sirabee