世事往往就係咁無奈，你今日有睇天氣報告，特登帶把遮先出街咩，佢又鬼死咁好天呀，你袋咗把遮幾日，心入面暗鬧佢「挑！都冇料到嘅！」，一擺返低把遮呢，佢就即刻落場狗屎你嘆！遇到咁嘅情況都咪話唔狠狽呀，靚仔雨中狂奔咪MV feel囉，你呀……咪傻仔咁款囉。

之前有台灣網友驚見餐廳出面有塊新鮮嘅大葉（好似叫姑婆芋）放咗喺遮架上面，周圍問人是咪龍貓漏低咗呀！

過咗咁耐，謎底終於揭開喇！原來把遮其實係呢個妹豬漏低㗎！喂小姐，你把遮又幾特別喎！是咪咩潮牌別注版咁呀？

呢把綠色大遮真係好有田園feel，妹豬你細細個就已經明白到歸園田居嘅詩意，真係難得呀。

毛毛開頭以為拎住呢把咁潮嘅大遮出街實唔會同人撞，可以傲視潮童界啦，點知轉個頭又見到另一個阿叔都拎住把同款大葉遮！OMG，這就是unbelievable的fashion！睇嚟大葉遮已經成為潮流指標，毛毛都係快啲去搵龍貓借返把先得！

封面圖片、資料來源：PTT

回帶：【失物認領】龍貓你漏低咗塊葉呀喂