唔知係咪因為星期日大家都唔使返工，成個世界都好似溫馨啲咁嘅，你睇，放假嘅時候真係啲花花草草都靚啲，成條街嘅路人都咁可愛呀～ 仲有人喺條路度用花嚟砌心心?，成個世界都好美好呀！

雖然香港要努力保持全球最高工時嘅美譽，不過間唔中放鬆心情放假行下街都好嘅，如果咁好彩喺路上面見到有人砌咗個大花花心心，即刻心情好晒?呀，呢位網友仲post埋上網多謝砌花花嘅人?～

見到呢個紅色大花心心，有人即刻砌返個白色細花心心送畀佢～ 真係隔住個mon都覺得sweet呀。

呢個post仲竟然成功尋到人，搵到呢對整呢個心心嘅夫婦，講到呢度毛毛都覺得有啲童話feel，係愛呀哈利～

呢件事簡直可以列入社區教育第一條：多一點關心，少一點問候別人母親嘅範例，如果香港日日都咁溫馨咁就正喇。

來源：Pretty Pig/Tai Po 大埔