香港有唔少地方都係唔准帶寵物入去嘅，可能係驚佢哋會嚇親人或者整污糟地方啩，不過其他地方就似乎比香港更加歡迎小動物喇～

/most/uploads/images/2015/Article/2016.05/2016.05.30/bus/01.png

好似泰國咁呀，由得一大班流浪狗狗瞓喺便利店出面涼冷氣，唔會話佢哋阻住個門口做生意、趕佢哋走嘅～你睇班狗狗，就咁睇好似一堆麵包咁呀！

仲有台灣呀，之前有次打風，便利店職員都放啲流浪狗狗入去避下風頭！緊急關頭，梗係安全至上啦！

其實香港都一樣有呢啲好人好事嘅～最近有網民話佢個做巴士司機嘅爸爸埋站之後本身諗住喺車上面唞下嘅，最知有隻流浪狗狗跟住清潔工人上咗車喎！狗狗，你知唔知巴士淨係准小Q上車㗎～不過爸爸見嗰陣咁大雨，就由得狗狗喺車度避雨，到開車時間先叫佢Go喇～嗚呀，真係估唔到一個小小舉動，都可以warm成咁！

原來巴士叔叔背後仲有個好令人滾動嘅故事㗎～佢本身係反對屋企人養狗嘅，點知同屋企養嘅狗狗相處落，慢慢開始會同狗狗傾偈，而家甚至會幫流浪狗狗，真係好大變化呀～人哋話愛可以改變一個人，毛毛諗，人同狗狗之間嘅，都一樣係愛呀，哈利。

封面圖片、資料來源： 唐狗會學習營