畀人讚靚仔係咩感覺？毛毛呢世都唔會知，但係呢隻日本明猩就肯肯定知道呀！

佢個大名就叫做沙巴尼(シャバーニ)，住喺日本名古屋嘅東山動植物園入面，因為個樣夠晒霸氣夠晒man所以好受一眾妹豬歡迎，個個都爭住去捕捉佢！

前排仲威到出埋寫真集?喎，唔知啲妹豬睇完有咩感覺喇，毛毛就有啲硬硬哋囉……個拳頭。明明大家都係有眼耳口鼻都係咁多毛，點解毛毛會輸畀隻猩猩㗎……公平咩！

最近動物園仲話，因為沙巴尼太受歡迎嘅關係，驚啲不法商人會拎佢個樣樣嚟做壞事，所以前排就同政府申請，將沙巴尼個嘜頭申請做商標呀！

嗯，睇完之後毛毛領略到一個道理，就係你以為自己只係醜樣咩？唔係呀，你係連隻猩猩都不如呀。嗚嗚……

圖片來源：《朝日新聞》、東山動植物園