2016年05月30日 星期一
因為自己有bb同冇錢帶隻狗睇醫生就棄養？
對毛毛嚟講，一生一世呢個承諾唔單止係對老婆（i mean未來嗰個），而且仲係對寵物嘅。噚晚，有位網民忽然收到一個fd子嘅whatsapp（正確嚟講，應該係幾年前見過一次，連朋友都稱唔上嗰隻），佢話自己冇能力再養屋企隻11、12歲嘅迷你松鼠狗，想搵人幫手收養……下，原本唔係養得好地地㗎咩？點解突然又話冇能力嘅？
哦，原來佢係因為自己有bb，加上隻狗又疑似有尿道炎，所以冇時間同金錢嚟照顧狗狗先至話唔養嘅。
可能呢個主人喺經濟上真係遇到好大問題啦……不過毛毛覺得，其實冇錢又點吖，毛毛夠窮到褲穿窿啦，開講有話辦法總比困難多，或者有方法可以解決到問題呢？毛毛諗狗狗都想主人陪自己陪到老嘅，希望呢位主人可以繼續照顧呢隻狗狗啦。
圖片及資料來源：Wing Sze／天下貓貓一樣貓
回帶又回帶：【搞L錯】咁多人棄養 正苦仲鼓勵買寵物？
