屋企個廚房最多就係一支二支豉油蠔油，鬼咩，老母成日見特價就買，買咗又話食得多鹹嘢會連人都鹹，煮飯都唔落多幾滴，搞到啲調味料擺到過晒期都未食晒！知唔知世界上有幾多人連豉油都冇得食呀，過咗期就大大支豉油咁掉咗去咪好嘥囉！唔想做大嘥鬼，不如學台灣呢個超強畫家咁做啦！

咩話？周董？！冇錯喇，呢個激似度高達99％嘅周姐卵就係用過期豉油畫㗎喇！嘩唔講毛毛仲以為係加咗Filter嘅相咋喎。咁點解得99％似？因為周姐卵皮膚冇咁黑呀嘛蝦蝦。

呢個畫家唔止識用豉油畫畫呀，仲好叻用果Jam畫小動物！真係巧打耳巧cute cute的唷～所以幾時都話高手在民間！

唔使羨慕喎！唔通人哋落足心機苦練又要話你知咩！其實佢以前，都係畫到咁嘅level㗎咋～55，都叫做有齊眼耳口鼻嘅。

但係苦練咗半年之後，已經可以單手用朱古力醬滴到個超似嘅JJ林俊傑出嚟喇！所以話，努力真係會有成果㗎！毛毛練咗咁多年追女仔，睇怕都係時候練成正果喇啩？

封面圖片、資料來源： Septagram果醬畫世界

回帶：【高手在民間】用朱古力醬滴出仿真度99%林俊傑