吹嘢嚟講毛毛都ok叻㗎，嗱唔好諗錯隔離，毛毛係講緊吹水啫。不過如果講到係吹嘢嘅極致喇喎，就真係要跟呢位同胞學下嘢喇！

話說呢個強國男因為懷疑醉駕，所以畀盡責嘅公安截停咗要佢吹波仔。估唔到咁樣截一截，就將佢嘅表演細胞由外到內，再由內去返外咁，完完全全咁發掘出嚟喇！佢先係輕輕咁咬一咬，練下口感先：

上咗手之後佢就開始頂唔緊喇，毛毛feel到佢身體入面嗰團音樂之火，要爆喇！

你睇下佢出盡奶力，皺晒眉頭咁係咁吹係咁吹，就知佢對吹呢樣嘢係幾咁執著，唔知是咪平時練開嘅呢？情到濃時，佢仲情不自禁咁舉起雙手擺動，強國公安仲要好抵死咁喺段片度加埋配樂，唔講毛毛仲以為自己睇緊單人交響樂團表演?呀！

嗱link就喺下面，記住開聲睇呀。喂老老竇竇，你吹波仔吹得咁有感情，可唔可以畀毛毛點返首歌啫？

圖片來源、資料來源：深圳交警/秒拍