毛毛都有FF過，如果將來成家立室，就會同老婆仔養返隻狗仔嚟做自己個仔，一家三口咁都幾warm幾有畫面吖係咪？毛毛知，呢啲對毛毛嚟講都係FF吖嘛，哪有女！但喺俄羅斯有條友，佢唔單止有老婆仔，仲有隻熊仔喎！你冇睇錯呀，係熊仔唔係狗仔貓仔呀，真係不愧為戰鬥民族，連揀隻動物做自己個仔都檸些bu同！

話說呢隻熊仔係呢對夫婦喺佢3個月大嘅時候，喺一個獵人手度救返嚟嘅，仲幫佢改咗個名叫Stepan?！睇下Stepan仔同佢老竇一齊睇書個樣，幾父慈子孝！

唔止識同老竇一齊睇書，Stepan仲識幫老竇老母淋花㗎，認真孝順！

唔好睇佢大大隻好霸道咁，查實佢都不知幾嗲，你睇佢攬住老竇瞓覺個樣幾sweet，成隻加大版熊公仔咁呀！

睇睇下真係養隻熊仲乖過養而家啲細路，唔好講其他，毛毛淨係望住自己老母都覺得佢幾辛苦下，成日都畀毛毛頂住晒，真係辛苦媽媽了，但媽媽不說。

封面圖片、資料及圖片來源：dailymail