而家啲小學功課深到好似大學paper咁就係人都知啦，冇計啦，要贏在起跑線上呀嘛，唯有打少陣波睇少陣卡通片操多啲多啲再多啲練習啦！你不愛競爭，但競爭會找上你呀嘛。

慘就慘在啲功課唔止難做呀，仲搞到小朋友鬼死咁亂！中文科老師就話「士多啤梨」唔啱，要改做「草莓」先啱，但係數學書又寫「士多啤梨」喎，你話呀，叫小朋友點跟呀。

媽，好亂呀，不過再亂啲都仲得呀！呢份中文功課就教小朋友點用擬聲詞嘅，即係「嗚嗚」、「喵喵」嗰啲呀，都幾實用㗎（至少實用過side angle side，好似係）～雀仔係吱吱叫，鸚鵡係呱呱叫，毛毛都明呀，但公雞同母雞到底點分係「咯咯咯」定「喔喔喔」呢……老師，明明卡通片啲雞都係「古菇固固」咁叫㗎囉。Between，如果鵝係「鵝鵝鵝」咁叫，佢九成都係一隻寵物小精靈。

點樣聽聲分公雞同母雞呢，毛毛就唔識喇，毛毛淨係知烏鴉肯肯定「傻瓜！傻瓜！」咁叫啫。不過家陣啲細路唔識㗎喇，佢哋邊有時間睇卡通片啫。

回帶：【媽好亂呀】老師，呢粒到底係士多啤梨定草莓呀？